لا تقارن نفسك باحد

لا تقارن نفسك بأحد متحاولش انك تقارن نفسك بحد او تقلد حد.. لان كل واحد فينا عنده شخصية مختلفة عن التاني.. وكل واحد فينا ظروفه تختلف عن التاني 

خليك متاكد انك اول متبتدي تقارن نفسك بحد تاني اعرف انك كده بتعطّل نفسك وبتقلل من قدراتك وده بيعتبر اهانه لنفسك.. ليه تضيع وقت في انك تبص لده وده وانت تقدر تستغل الوقت اللي بتضيعه في انك تنمّي من قدراتك او تتعلم حاجة جديدة او تاخد خطوة في انك تحقق حلم او هدف عايز توصله وتكون احسن من اللي هتقارن نفسك بيه..

ربنا خالق لكل واحد فينا قدرات معينة وكل واحد جواه ميزة عن التاني ليه متكتشفش الميزة دي وتقدر تنجح وتتميز بيها عن أي حد فعلاً..

لو بصيت لنفسك وحطيت هدف قدامك انك تبقى احسن من أي حد وانك قادر تحقق حلمك فعلاً انت كده هيكون كل تركيزك في نفسك وفي الحلم اللي عايز توصله.. وهتقدر تواجه أي حاجة ممكن تقابلك..

دوّر على قدراتك لحد متلاقي اللي بيميزك عن أي حد...

#قصص_ونصائح