نجاحك بمقدار مجهودك قصة مدرس مجتهد يحب طلابه

نجاحك بمقدار مجهودك قصة مدرس مجتهد يحب طلابه قرر يعمل امتحان لطلابه بشكل مختلف

الإمتحان مكنش عادي وفكرته

كانت غريبة وجديدة، المدرس قال للطلاب إنه حضر 3 نماذج من الإمتحان وكل نموذج يناسب مستوى
معين للطلبة.

النموذج الأول عبارة عن أسئلة صعبة...و التاني عبارة عن مستوى متوسط ، و النموذج الثالث
للمستوي الضعيف وطلب من كل طالب يختار النموذج.

اختار كل طالب اللي بيناسبه من ورقة الأسئلة .. عدد اللي اختاروا النموذج الصعب كان 3 طلاب وعدد
اللي اختارو النموذج المتوسط خمس طلاب … وعدد اللي اختارو النموذج السهل 12 طالب .

بدأ الطلاب في حل الإمتحان ، الطلاب اللي اختاروا الأسئلة الصعبة لقوا الإمتحان سهل جداً ، واللي
اختاروا الإمتحان متوسط ندموا انهم ماختروش  الصعب ، واللي اختاروا السهل لقوا إنه في
أسئلة مش سهلة ، المدرس كان واقف يراقبهم ويشوف ردود أفعالهم.

بعد نهاية الوقت المحدد … جمع أوراقهم وقالهم هتعرفوا درجات الإمتحان دلوقتي ، فبدأ بتصحيح ورق الإجابة .. استغرب الطلاب لما شافوا إن المدرس بيشوف اسم الطالب وفئة الأسئلة وبعدين يكتب الدرجة.

بعد نهاية تصحيح الإمتحان … كانت المفأجاة إن المدرس قال للطلاب الإمتحان كله واحد ، مفيش صعب
ولا سهل والطلبة اللي اختارت الصعب اخدوا امتياز، واللي اختار المتوسط أخذ جيد، واللي اختار السهل
أخذ مقبول .

نجاحك بيكون على مقدار جهدك … مش هتاخد في حياتك أكثر ما تستحق عشان كده حاول وابذل
جهد كبير، عشان توصل للدرجة اللي عايزها .

لو مكان طالب منهم كنت هتختار ايه ؟
#قصص_ونصائح