طرقتين للنجاح قصة انصح بقراتها

طرقتين للنجاح قصة انصح بقراتها تتحدث عن كيف يمكن ان تكون تمتلك كنز بين يديك وانت لا تعلم وتتحدث ايضا عن كيف ان الله لا يضيع تعب ومجهود احد مهما كان تاملها جيدا

سنة 1948 بعض علماء من جورجيا نزلوا جنوب أفريقيا عشان يدورو على " ماس " وأحجار غريبة كان في عالم معاهم اسمه " يوكي "،كان يومياً بيصحي بدري ويفضل يدور على " ماس " لحد بالليل ومش لاقي حاجة،فضل كده لمدة شهرين.

وفي يوم جاله إحباط فقرر يرجع للخيمة بتاعته بدري،شاف طفل معاه حجارة فسأل الطفل ايه اللي
معاك ده؟قاله معرفش !! قاله طب لو مش عايزها أخدها منك بفلوس، الطفل قاله مش عايز فلوس!!
قاله طب انا معايا شيكولاتة ..ايه رايك تاخذها ؟ وافق الطفل .

"يوكي" أخذ الحجر ده وحلله 14 مرة ومش مصدق عينيه لأنه إكتشف إنها أكبر "ماسة " موجودة
وخام ولما تتشكل تتباع بملايين من الدولارات! الولد الصغير كان في إيده ثروة ومش عارف قيمتها،
لو كان عارف قيمتها كان عاش هو وبيته وأهله في راحة وعشان مش عارف قيمتها باعها رخصية.

القصة فيها حاجتين:-

-النجاح مش هيجي بالساهل ولا بالصدفة ..العالم "يوكي"لقي الماسة بالصدفة بعد تعب شهرين ،متخيل؟
شهرين بيدور على ماس وحجر ومش لاقي وبعد يأس لقي حجر في إيد طفل في الشارع ..مهما كان تعبك
وجهدك هيجي يوم نجاحك .

-ناس كتير مش عارفة قيمة نفسها ومش عارفة قدراتها،ومش عارفة موجودة ليه؟وعشان كده بيقعد
يلوم نفسه ويقول انا فاشل،واصل كذا وكذا،عشان تكون ناجح لازم تعرف قدراتك ايه وتعرف قيمة
نفسك وتتعب وتجتهد لحد ما توصل لهدفك .

تفتكر النجاح بيجي بالصدفة ولا بالإجتهاد؟علق برايك وقولنا النجاح بيجى ازاى
#قصص_ونصائح