مقالة رائعة بعنوان مفيش وقت

مقالة رائعة بعنوان مفيش وقت بتتكلم عن الحاجات المهمه فى حياتنا اللى لازم نحافظ عليها قبل فوات الاوان

مفيش وقت !! دي أكتر جملة بنستخدمها في حياتنا!! ليه دايماً مشغولين ؟ ليه الوقت بيكون قصير وفي أوقات تانية الوقت بيكون طويل ؟ ازاي نرتب الأولوية بتاعتنا ؟؟

دكتور علم نفس بيشرح محاضرة عن الوقت،جاب جرة كبيرة بدأ يرمي في الجرة دي حجر كبير وبعدين سأل الطلاب الجرة اتملت ولا لا ؟ كلهم قالوا اتملت ، وبعدين جاب الدكتور حجر صغير ورماه في الجرة ، وسأل الطلاب تاني اتملت ولا لا ؟ قالوا برده اتملت .

الدكتور جاب رمل ورماه في الجرة ، وسألهم اتملت ولا لا ؟ قالوا اتملت ، بعدها الدكتور ضاف مية على الرمل وقالهم حياتكم عامل زي الجرة الكبيرة دي ، الأحجار الكبيرة هي الأهم في حياتك زي أهلك وصحتك والأحجار الصغيرة زي شغل وعربيك ، فلو كنت بدأة بالأحجار الصغيرة مش هتلاقي مكان للأحجار الكبيرة .

لو أنفقت كل وقتك وجهدك على الحاجات الصغيرة مش هتلاقي وقت للأعمال الكبيرة،ولو كنت متخيل إن حياتك مفهاش وقت يبقي بتكذب على نفسك،رتب حياتك على حسب الأولوية ,

شاركنا برأيك هل الوقت مرض ؟ وبتقدر تتحكم في وقتك ازاي ؟
#قصص_ونصائح