قصه نجاح المخرج James Cameron (مخرج Titanic وAvatar وTerminatorو غيرهم)

قصه نجاح المخرج James Cameron (مخرج Titanic وAvatar وTerminatorو غيرهم) يعني يعتبر من افضل مخرجين العالم فى الوقت الحالي ثالث أغنى شخصية سنيميائية على الإطلاق  .

الراجل دا وهو عنده 22 سنه كان بيشتغل سائق شاحنة وشبه مفلس تقريبا ومكنش يعرف اي حاجة فى مجال السينما وكان تعليمه متوسط مس جامعي ولا حاجة شاف فيلم Star Wars: A New Hope وحس اد ايه ان مخرج الفيلم دا " جيورج لوكاس " مبدع ومن وقتها جاله هوس بالسينما وقرر إنه بأي طريقة لازم يدخل المجال دا .
.
في الأول حاول يعمل نسخ تقليد من Star Wars على مستوى محلي ويجرب يعمل الخدع كما ظهرت في الفيلم ولكن كل حاجة مشيت معاه بشكل كارثي وأنفصل عن زوجته وأفلس (بقى بينام في الشارع) ومع ذلك أكمل على إصراره ومحاولاته، وقعد يعلم نفسه مجال السينما بنفسه من الكتب وفي يوم وهو نايم في الشارع وبيعانى من تخاريف الحُمّى جات له فكرة فيلم Terminator عن روبوت أو ذكاء صناعي أتى من المستقبل ليقوم بمهمة تخريبية في الحاضر لكي لا يستطيع أي شخص إيقافه في المستقبل.
.
لف بالفكرة على أغلب شركات الإنتاج وأغلبهم رفض أن يجعله مخرج لسكربت الفيلم حتى بعد ما عرض أنه يبيع لهم السكربت مجانــًا مقابل فقط أن يكون هو المخرج.

فضل عنده الحماس والارادة لهدفه اللى قرر انه يضحي باي حاجة فى حياته عشان يحققه لحد ما لاقي منتج وافقوا علي العرض ولكن بفلوس قليله جدا وأغلب الممثلين الموجودين في العمل لم يكونوا مؤمنين بفكرة الفيلم ولا بقدرات المخرج .

وبطل الفيلم أرنولد شوارتسنيجر (لم يكن ذو أي قيمة فنية وقتها) كان بيتعامل مع الفيلم كمشروع جانبي شبه محقق أنه هيفشل وكان بيسخر من الفيلم علنًا قبل صدوره في بعض لقاءاته التليفزيونية، .
كان جيمس كاميرون الواحد اللي مؤمن بفكرة الفيلم وهو المخرج والمؤلف وطبعا بعد انتاجة وعرضه فى السينمات العالميه حطم توقعات الجميع وأصبح أعلى فيلم إيراداته في سنة صدوره وتسبب في عمل هوس للجماهير وأصبح من أعظم الافلام على الإطلاق ومحفوظ في مكتبة الكونجرس على أنه من التحف التراثية والفنية والجمالية .

حاول تتخيل كام شخص سخر منه وقتها وقالوا له الكلام بتاع “معقول واحد جاهل زي دا لم يدرس أي شيء في السينما هيكون ليه أي قيمة” وكمية الإحباطات والتخلف والقيء إللي أضطر يتعامل معها من الآخرين وفي النهاية أثبت لأصحابها غباؤهم وتخلفهم التام واصبح من تلك الشخصيات إللي بمجرد قراءة سيرتها الذاتية، متعرفش حقيقة ولا تلاقي أي كلمات ممكن توافيهم حقهم في المديح لإثباتهم أن العظمة من الصفر وبالإعتماد على النفس تمامًا ممكنة جدًا، فقط عليك العمل عليها والإصرار والإيمان بما تفعله طالما تحبه وتجاهل إحباطات الرعاع، وانك طالما قررت تكون مختلف وتحاول تحقيق شيء فهناك الكثير من التضحيات والخروج التام عن المألوف التي ستقوم بها على طول الطريق.
#قصص_ونصائح